संवाद भाग - चार

“हे बघ प्रिया तू खूप हेल्थ कॉन्शस आहे मला माहित आहे. ते तुझ्या करीयर साठी अगदी गरजेचं आहे. पण तसच हेल्थ कॉन्शस अमयनी पण पाळावं हा तुझा हट्टहास नको करत जाऊ. अगं तू रोज सकाळी ज्यूस, कॉंर्नफ्लेक, ओट्स खाते, जेवणात सॅलड, उकडलेल्या भाज्या खातेस ते खाणं अमोलने खावे हा अट्टहास करुन रोज वाद करण्यात काय अर्थ आहे. तो रोज व्यायाम करतो, पोहे, थालीपीठ, उप्पीट हा नाश्ता काही अनहेल्दी नाही. भाजी पोळी खाणे चुकीचे नाही. ते खाऊन तो फिट आहे. तुला वाटते त्याने फॅशनेबल कपडे घालावे, तुझ्या पार्टीला यावे. तो माझ्या मते बऱ्याच वेळेला येतो. पण नेहमीच तुझ्या पार्टीला येण नसेल जमतं. ह्यावरुन वाद घालणे कितपत योग्य आहे. ह्याचा तू विचार कर.‌ तू काल ड्रिंक्स घेऊन आलीस मला त्यावर आक्षेप नाही. पण स्वतःचा तोल जाईल एवढं ड्रिंक्स घेऊन स्वतःचं नाव खराब करण्यात काय अर्थ आहे. तू नाटकात काम करतेस. त्यामुळे सोशल मिडियाचा तुझ्या मागे सतत पाठपुरावा असतो. तुमचं आयुष्य पर्सनल कमी सोशल जास्त असते.”