सारं काही तुमच्यासाठीच

मेघाचं लग्न झालं. ती सासरी म्हणजेच सानेंच्या घरात येऊन तीन महिने पूर्ण झाले होते. या तीन महिन्यात तिच्या लक्षात आलं होतं की आई बाबांशी सर्वांसमोर वागताना खूप व्यवस्थित वागतात, त्यांचे सर्व अगदी नीट करतात परंतु फक्त घरातलेच असतात तेव्हा आई बाबांशी बोलत नाहीत. मेघाला हे सर्व खटकत होतं. उघड उघड ती कोणाला विचारू शकत नव्हती. त्यांच्या अशा वागण्यामुळे वातावरणात उगाचच एक प्रकारचा तणाव निर्माण झाला होता. तिच्या माहेरचं वातावरण खूपच खेळकर होतं. आई बाबा, दादा वहिनी सर्वच एकमेकांशी खूप समजूतीने वागत होते. सासरी सुद्धा असंच वातावरण असावं असं तिला नेहमीच वाटायचं. एकदा तर तिने आईने त्यांच्या कपाटातील एक वस्तू तिला आणायला सांगितली तेव्हा तिने एका कप्प्यात खूप साड्या तशाच कोऱ्या, घडी न मोडता ठेवलेल्या पाहिल्या. बहुतेक त्या बाबांनीच आईना दिलेल्या असाव्यात. शेवटी एक दिवस सर्व काम आटोपल्यावर तिने मनीषला विचारलंच,