सासर की माहेर अंतिम भाग

श्वेताचे सासूसासरे कोरोनातून सुखरूप वाचले होते;पण तिच्या चुलत सासूबाई थोड्या सिरीयस झाल्या होत्या.त्या राहतात की जातात? असे घरातल्यांना वाटू लागले होते.डॉक्टरांचे प्रयत्न सुरू होते आणि अशातच श्वेताच्या नवऱ्यालाही कोरोनाची लागण झाली. त्याला हॉस्पिटलमध्ये ऍडमिट केले.तो उपचारांना चांगला प्रतिसादही देत होता.पण मधेच त्याची तब्येत बिघडत होती.डॉक्टरांचे शर्थीचे प्रयत्न सुरू होते.आईवडिलांची व श्वेताची देवाकडे सारखी प्रार्थना सुरूच होती.त्याच्या काकू चांगल्या होऊन घरी आल्या त्यामुळे आपला मुलगाही बरा होऊन घरी येईल असे श्वेताच्या सासूसासऱ्यांना वाटत होते.
आपल्याला वाटते काही आणि होते वेगळेच..
एके दिवशी अचानक श्वेताच्या नवऱ्याची तब्येत खूप बिघडली आणि तो सर्वांना सोडून कायमचा या जगातून निघून गेला.
श्वेताच्या माहेरी व सासरी दोन्ही कुटुंबावर दुःखाचा डोंगर कोसळला होता.आपल्या आनंदाला कोणाची नजर लागली असेच त्यांना वाटू लागले होते.