सासूचा वारसा भाग २

अमोलला राग आला. अजूनही आई मेघाविषयी अशी बोलत होती; पण आता महेशला मधुरा आवडते आणि त्याला लग्न करायचे आहे ही सांगायची जबाबदारी त्याची होती. त्याने रागावर नियंत्रण केलं. आता राग राग केला तर आई तयार होणार नाही. अमोल, महेशचा स्वभाव जाणून होता. त्याच्या मनासारखं झालं नाही तर त्याला राग यायचा. घरातला लहान मुलगा म्हणून त्याचे सर्व हट्ट,लाड पुरवले होते. महेश रोखठोक निर्णय घेणाऱ्यामधला होता. घरातील मोठा मुलगा म्हणून अमोलने आईचं मन वळवायचे ठरवले.