शब्द झाले मुके 28

राजन आणि ऋचाचे नाते हे सुरुवातीपासूनच अगदी मैत्रीचे नाते होते. ते दोघेही धीर आणि भावजय पेक्षा मैत्रीच्या नात्यात त्यांना बांधून ठेवणे खूप सोपे झाले होते. तशी राजनचीच इच्छा होती. 'टिपिकल दीर आणि भावजय सारखे आपले नाते नको. आपण एका फ्रेंड सारखे राहू' असे त्यानेच अगदी पहिल्या दिवशीच ऋचाला सांगितले होते आणि तिला देखील कोणत्याही नात्यात अडकण्यापेक्षा एक मैत्रीचे नाते खूप चांगले वाटले. मैत्रीच्या नात्यांमध्ये आपण हक्काने काहीही बोलू शकतो. तिथे कोणत्याही नात्याचे बंधन नसते आणि तेच तिला योग्य वाटले, कारण नात्याच्या बंधनात अडकून रुसवे फुगवे करण्यापेक्षा मैत्रीच्या बंधनात अडकून जे असेल ते निखळ नाते आपल्याला जोडता येते असे तिला वाटले होते आणि त्यामुळेच त्या दोघांचे खूप छान बंध जुळले होते. त्यांचे दीर आणि भावजयचे नाते सगळ्यात बेस्ट होते. सर्वांना ते नाते खूप आवडले होते. जेव्हा केव्हा राजन आणि ऋचा एकत्र जातील तेव्हा तेव्हा सगळेजण नातेवाईक वगैरे त्या दोघांकडे अगदी बेस्ट दीर आणि भावजयीची जोडी म्हणून पाहत होते. सर्वांना त्या दोघांचे खूप कौतुक वाटत होते, कारण बाहेरून आलेल्या त्या स्त्रीला त्याने योग्य तो मान दिला होता. ते नाते शेवटपर्यंत तसेच रहावे यासाठीच ते दोघेही प्रयत्न करत होते, म्हणूनच ऋचाने देखील राजनसाठी मानसी योग्य आहे का नाही हे पाहून पडताळच त्या दोघांची बोलणी घरामध्ये केली होती. तिला मानसी राजनसाठी अगदी योग्य वाटली होती.