शब्द झाले मुके 48

राजनची आई राजनच्या जवळ गेली आणि तिने राजनसमोर मेघनाचे भरभरून कौतुक केले. खरंच ही मुलगी अजून घरात आली नाही तोपर्यंत घरचे वातावरणच बदलून गेले. असेच हसते खेळते घर राहू दे. आता हे सर्व तुझ्या हातामध्ये आहे. तू त्या मुलीला सांभाळून घेतलास तर ती मुलगी आम्हाला सांभाळून घेईल. त्यामुळे तू तिची काळजी घे, तिला दुखवू नकोस, तिच्या भावनांशी खेळू नकोस, तिचा व्यवस्थित सांभाळ कर म्हणजे ती आमचा सांभाळ करेल. जर तिचे मन आनंदी असेल तरच ती घराकडे व्यवस्थित लक्ष देऊ शकेल ना? तेव्हा जे काही आहे ते आता पूर्णपणे तुझ्या हातामध्ये आहे." असे म्हणून राजनची आई राजनला समजावून सांगत होती. राजन मात्र तिरकसपणे मेघनाकडे पाहत होता.