शब्द झाले मुके 55 अंतिम

तू माझ्या आयुष्यात आलीस आणि माझ्या आयुष्याचं जणू सोनं झालं. तुझ्यासारखी मुलगी मला मिळाली खरंतर हे माझं खूप मोठं भाग्य आहे; पण मी तुला समजून घेतले नाही. तू सुद्धा इतर मुलींसारखीच आहेस असे मी समजत होतो; पण तू खूप वेगळी आहेस. मीच तुला समजून घ्यायला चुकलो. स्वराचे आणि तुझे नाते तर काही बोलायलाच नको. अगं, एक आई आणि मुलीचं नातं सुद्धा इतकं घट्ट नसतं तितकं तू स्वराला आपलंस केला आहेस. जणू तिची आईच बनली आहेस यासाठी हेडस ऑफ यु. आणि तू हे नाटके करत नाहीस हे मला समजले आहे. तू तिच्यावर मनापासून प्रेम, माया करतेस आणि ते खरे आहे. यासाठीही खूप थँक्यू. तुझ्यासारखं मला खूप काही बोलता येत नाही. जे काही आहे ते मुद्दे अगदी मनात शब्दांची जुळवाजुळ करून बोलत आहे; पण तरीही माझे शब्द अपुरे पडत आहेत. तुझ्याशी बोलायला आलो आणि सगळे शब्द मुके होऊन बसले आहेत, त्यामुळे मी फार नाही बोलत; पण तू माझ्या भावना समजून घेशील एवढीच अपेक्षा आहे." असे बोलून राजनचे डोळे भरून आले. मेघनाने त्याच्याकडे पाहिले तर तिचेही डोळे भरलेले होते. हेच खरे प्रेम असेल का? हेच खरे नाते असेल का? जे मनाचे मनाशी जोडले गेले असेल. जिथे शब्दांची अजिबात गरजच भासत नसेल. राजन आणि मेघना हे दोघेही वेगवेगळ्या गरजांसाठी एकत्र आले होते; पण ते दोघे एक झाले होते.