शेंडेफळ भाग ३(अंतिम)

"हे बघ..तुझ आता वय झालं आहे. तू कामं करतेस ठीक आहे पण तू इतकही काम करू नको की तुझ्या शरीराला ते सहन होणार नाही. विशालला आणि त्याच्या बायकोला तुझी गरज आहे समजू शकतो मी पण त्यांची काळजी घेण्याच्या नादात स्वतःकडे दुर्लक्ष करू नको. तुझा बीपी लो का झाला माहीत आहे तुला? तुझी होणारी जास्तीची धावपळ,वेळेत खाणं नाही यामुळे तुला आता त्रास झाला.
अगं ती दोघे त्यांची कामं करू शकतात रादर त्यांना ती करू दे असं म्हणेन मी. दोघेही लहान नाहीत. तिला सध्याच्या काळात सोबत पाहिजे समजू शकतो मी. पण त्यांची काळजी घेतेस तेवढी स्वतःची पण घे. मला माहित आहे विशालकडे तुझं जरा जास्तच झुकतं माप आहे त्याबद्दल काहीच आक्षेप नाही मला. आमच्याबद्दल जेवढं तुला वाटतं नाही तितकं किंवा त्याहून जास्त तुला त्याच्याबद्दल प्रेम जिव्हाळा आहे पण जे तू करतेस त्यादोघांसाठी त्याची थोडी तरी कदर आहे का त्यांना? किती कदर आहे आणि आदर आहे हे तुलाही चांगलच माहित आहे. त्यामुळे बघ विचार कर."विवेक बोलायचा थांबला.