शेवटची डिलिव्हरी...!
भाग ३
" पोहोचलो एकदाचे, मी लगेच हे पार्सल आत देऊन येतो मग तुम्हाला तुमच्या घरी सोडतो. तुम्ही थांबा इथे."
इतकं बोलून त्याने मागे वळून बघितले आणि त्याच्या तोंडचे पाणी पळाले.
इतकं बोलून त्याने मागे वळून बघितले आणि त्याच्या तोंडचे पाणी पळाले.
त्याच्या मागे कोणीच बसले नव्हते. हा सगळा नक्की काय प्रकार आहे त्याला कळेना झाले. तो झाल्या प्रकाराला अतिशय घाबरून गेला. इतक्या थंडीत ही त्याला घाम फुटला.
तो लगेच आपल्या बाईकवरून उतरून त्या वाड्यात पार्सल द्यायला म्हणून गेटच्या आत शिरला. आत येऊन त्याने वाड्याचा दरवाजा वाजवला.
काही वेळाने एका म्हाताऱ्या माणसाने दरवाजा उघडला. त्याने त्याच्या हातून पार्सल घेतले आणि तो राघवच्या चेहऱ्याकडे एकटक पाहू लागला.
" का रे बाबा, इतका घाबरलेला का दिसतोय? माझं पार्सल एकदम बरोबर पोहोचलं आहेस तू, ते ही अगदी वेळेत."
इतकं बोलून तो म्हातारा त्याच्याकडे बघून क्रूर आणि विकृतपणे हसू लागला आणि त्याने तसेच उभे राहून फक्त त्याची मान पूर्ण मागे फिरवले.
इतकं बोलून तो म्हातारा त्याच्याकडे बघून क्रूर आणि विकृतपणे हसू लागला आणि त्याने तसेच उभे राहून फक्त त्याची मान पूर्ण मागे फिरवले.
ते दृश्य बघून राघव हादरून गेला. त्याने हिंमत करून आत डोकावून बघितलं तर, आत तिचं त्याच्या मागे बाईकवर बसलेली बाई समोर केस मोकळे सोडून उभी होती आणि त्याच्या दिशेला बघून बेसूर कर्कश आवाजात मोठमोठ्याने हसत होती.
ते बघून तो तिथून पळ काढण्यासाठी मागे फिरला तर त्याला ती बाई त्याच्या अगदी चेहऱ्यासमोर उभी दिसली. तिचे ते रूप अगदी विचित्र दिसत होते. ते पाहून तो अतिशय घाबरून गेला. तो पुढे काही बोलणार करणार त्या आधी तिने त्या आत घरात ढकलले.
तिच्या धक्क्याने तो घरात आपटला आणि त्याच्यासमोर दरवाजा बंद झाला. त्याच्यासमोर आता ती बाई आणि म्हातारा त्यांच्या खऱ्या भयानक रूपात उभे होते.
त्यांना बघता बघता त्याचे लक्ष बाजूला गेले. तिथे त्याच्या सारख्याच दोन डिलिव्हरीच्या बॅग्स पडल्या होत्या. त्याला कळून चुकले की तो त्यांचा पुढचा शिकार आहे.
तो हात जोडून त्यांच्याकडे सुटकेसाठी विनवण्या करू लागला. पण त्याचा त्यांच्यावर काहीच परिणाम होत नव्हता. ते दोघे हळूहळू त्याच्या जवळ येऊ लागले आणि मध्येच अचानक एखाद्या हिंस्त्र प्राण्यासारखी त्यांनी त्याच्यावर झडप घातली. ते बघून तो अंग चोरून बसला आणि खाली मान करून जोरात किंचाळला. त्याच्या किंचाळी नंतर सर्वत्र नीरव शांतता पसरली.
क्रमशः
लेखक : चेतन सुरेश सकपाळ.
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा