शेवटची डिलिव्हरी...!
भाग ४ (अंतिम)
हळूहळू त्याने आपले डोळे उघडले. तो त्याच्या बाईकच्या बाजूला पडून होता. समोर त्याला तो वाडा दिसत होता. मगाशी सुंदर दिसणारा वाडा आता अगदी तुटक्या अवस्थेत होता आणि अतिशय भयानक भासत होता.
ते बघत असताना त्याच्या फोनवर पॉपअप वाजला. त्याने फोन बाहेर काढून बघितला. त्यावर त्याच्या ऍपचे नॉटिफिकेशन होते,
' ऑर्डर डिलिव्हर्ड सक्सेसफुली...'
त्याची शेवटची डिलिव्हरी पूर्ण झाली होती.
' ऑर्डर डिलिव्हर्ड सक्सेसफुली...'
त्याची शेवटची डिलिव्हरी पूर्ण झाली होती.
आणि त्या खाली नुकत्याच डिलिव्हरी केलेल्या शेवटच्या कस्टमरचा मेसेज होता,
' माझी पार्सल माझ्या घरी सुखरूप पोहोचवल्या बद्दल खूप खूप धन्यवाद...'
' माझी पार्सल माझ्या घरी सुखरूप पोहोचवल्या बद्दल खूप खूप धन्यवाद...'
ते वाचून त्याला दरदरून घाम फुटला. तो लगेच उठून बाईकवर बसला आणि त्याने बाईक चालू केली. तो देवाचे नाव घेत तिथून सुसाट निघाला. तो फक्त सरळ बघत बाईक चालवू लागला.
बघता बघता त्याची गाडी गावा बाहेर आणि मग त्या हॉटेल समोर आणि त्याने एक नजर त्या हॉटेलवर टाकली तर आता तिथे काही वेळा पूर्वीचे हॉटेल नसून फक्त एक पूर्णपणे जळून राख झालेली वास्तू होती...!
दुसऱ्या दिवशी त्याला भयंकर ताप भरला. तो कामावर आला नाही हे कळताच त्याचा दुसरा डिलिव्हरीवाला मित्र त्याला भेटायला आला. त्याने त्याला रात्रीची सगळी हकीकत सांगितली. ते ऐकून तो थक्क झाला. त्याच्या त्या मित्राला कामात तीन वर्ष झाले होते.
" बापरे, नशीब वाचलास भावा. तिथे ते हॉटेल काही महिन्यांपूर्वीच जाळून खाक झाले आहे. आपल्या कंपनीच्या एका डिलिव्हरी बॉयने आणि त्या हॉटेल वाल्याने रात्री त्या रस्त्याने आपल्या माहेरी जाणाऱ्या एका बाई सोबत वाईट कृत्य करून तिला मारून टाकले होते. हा धक्का तिच्या घरी असलेला बाप सहन करू शकला नाही आणि त्याने आत्महत्या केली. त्याच्या काही महिन्यानंतरच ते हॉटेल जळून खाक झाले कसे ते कोणालाच माहीत नाही. तो डिलिव्हरी बॉय पण, काही महिन्यांनी त्या रस्त्यावर मृत्युमुखी आढळला म्हणे त्याचे तिथे एक्सिडेंट झाले. तिला मारले ती रात्र अमावस्येची होती. तेव्हा पासून प्रत्येक अमावस्येला एका डिलिव्हरी बॉयला शेवटची ऑर्डर म्हणून त्या हॉटेलची ऑर्डर लागते. आणि रस्त्यात ती बाई भेटते. जर त्याने तिच्या सोबत काही वाईट करण्याचा विचार केला तर तो परत कधीच दिसत नाही ! माझं हे तुला सांगायचं राहून गेलं होतं मला माफ कर..."
इतकं बोलून त्याने हात जोडून त्याची माफी मागितली.
इतकं बोलून त्याने हात जोडून त्याची माफी मागितली.
त्याचे ते बोलणे ऐकून राघव स्तब्ध झाला. त्याने हात जोडून देवाचे आभार मानले.
समाप्त.
लेखक : चेतन सुरेश सकपाळ.
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा