शिदोरी संस्काराची भाग ३

"स्नेहा, सॉरी मी तुझी ईच्छा पूर्ण करू शकलो नाही. आई म्हणून नंदिनीसाठी ज्या ईच्छा आहेत त्या मी समजतो. खरंच मला जमलं नाही. वाढत जाणारा खर्च त्यातून मार्ग काढणं मला कठीण होऊन बसलं आहे. जमेल तसं मी प्रयत्न करतो आहे. तू आणि नंदिनी खुश राहावी बस इतकंच काय ते मला वाटतं. आपल्या डोक्यावर राहायला छप्पर आहे. दोन वेळचं जेवण सुखा समाधानाने खाता यावं हेच माझ्यासाठी महत्वाचे आहे. तू म्हणाली होती तुझ्या बाबांकडून पैसे घेऊन वाढदिवस साजरा करूया; पण माझ्या मनाला पटलं नाही. बाबा, म्हणून मी सक्षम आहे. माझ्या अयपतीप्रमाणे मी माझ्या लेकीला आणि बायकोला खुश ठेवणार. मी कधीच कोणाकडे हात पसरणार नाही. मेहनत करीन पण खरंच मी कोणाकडेही हात पसरणार नाही, अगदी आई बाबांना देखील मी कसलीच झळ पोहोचू दिली नाही. माझी माणसं, त्यांचा आनंद माझ्यासाठी महत्वाचा आहे. ह्या क्षणाला त्रास होतोय; पण ठीक आहे सगळे दिवस सारखे नसतात. मी मार्ग काढत राहणार. तुला, नंदिनीला आणि आई बाबांना काहीच कमी पडू देणार नाही."