शिंपल्यातील अप्रकाशित मोती : आदरणीय संजना इंगळे

एक उदयोन्मुख लेखिका म्हणून त्यांचा प्रवास चालू होता ; परंतु स्वतःच्या लेखनाकडे दुर्लक्ष करत केवळ लेखकांना हक्काचे व्यासपीठ मिळावे म्हणून ईराची स्थापना केली. भरपूर लेखनसंपदा असताना त्यांचे एकही पुस्तक प्रकाशीत झाले नाही. आपला बहुमुल्य वेळ लेखकांच्या हितासाठी खर्च केला. य्यांच्या प्रतिभेच्या शिंपल्यातील शब्दमोती अप्रकाशीत राहिला आहे ही खंत सतावणारी आहे. भविष्यात ईरा स्वतः पुस्तकनिर्मिती करेल त्यावेळी ही इच्छा पुर्ण व्हावी हीच अपेक्षा आहे.

ईरा नेहमीच लेखकांना आदराचे स्थान देते. ईरामध्ये लेखक इतका छान रुळला आहे की ईरा म्हणजे ' प्रेमळ कुटुंब' म्हणून सर्वत्र ओळखू लागले आहे. हा संवाद सर्वांना हवाहवासा वाटल्यामुळे ईराने लेखकांच्या भेटीगाठी व साहित्यिक देवाणाघेवाण व्हावी यासाठी दरवर्षी ईराचे गेटटुगेदर ठेवले आहे. याला लेखकांचा उदंड प्रतिसाद मिळाला आहे. आत्तापर्यंत पुणे व नाशिक येथे स्नेहसंमेलन उत्साहात पार पडले आहे.आगामी काळात ही संकल्पना जोर धरत असून भविष्यात आशा संमेलनातून लेखकांचा संवाद वाढणार आहे. यामध्ये आदरणीय संजना मॕडम यांचा दूरदृष्टीय हेतू स्पष्ट होतो.