शोध सत्याचा भाग - १०

तिला खोलीमध्ये गेलेलं बघून तो पटकन त्या खोलीसमोर येत त्या खोलीचं दार बंद करून कडी लावतो. आणि तिथून निघून जातो. तर इथे दरवाजा लावण्याचा आवाज ऐकून निहारिका पळत दरवाज्याकडे येते. आणि उघडण्याचा प्रयत्न करते तर ते उघडत नाही. ती जोरजोरात ठोठावत आणि मोठ्याने आवाज देत दरवाजा उघडायला सांगत असते. पण तिथे कोणी नसत. तिला आता खूपच टेन्शन येत होत. त्यात लवकरात लवकर बाटल्या बदलून लोकांचा जीव वाचवायचा होता. निहारिका लगेच रूनालीला फोन करणार तर फोनला रेंज नव्हती. ती आता काय करता येईल म्हणून इकडे तिकडे बघून काय भेटत का बघत होती. पण आजूबाजूला अस काहीच नव्हत. ती एक रिकामी खोली होती. त्यात खिडकी खूप उंचावर आणि छोटी होती. आपल्याला काहीच करता येत नाही समजून हताश होऊन रडू लागली.