शोध सत्याचा भाग - ५

निहारिका जेव्हा मागच्या बाजूला जात होती तस अर्ध्या तासापासून वाट बघत उभा असलेला विश्वा तिच्या पाठोपाठ गेला. जसं निहारिका तिच्या इच्छित जागी पोहोचली तस तो जागीच थांबला आणि आजूबाजूला बघितल तर तिथे जवळ लपून बसण्यासाठी कुठे जागा नव्हती. म्हणून तो जिथे उभा होता तिथेच तिला दिसणार नाही अश्या एका बाजूला थांबला. मग अर्णव आल्यावर त्या दोघांमध्ये काय बोलण होत आहे त्याला समजत नव्हत. दोघं हसत हसत बोलत होते त्यावरून त्याने अंदाज बांधला की ते खुनाबद्दल काहीतरी बोलत असणार. मग तेच समजून त्याचा तिच्याबद्दलचा राग आणखी वाढला. नंतर त्याने तिला ती बॉटल घेताना बघितल तर त्याचा चेहरा रागाने लालबुंद झालेला.