श्रीमंती

नवीनच लग्न झालं होतं अर्चनाच. आज ती लग्नानंतर पहिल्यांदा रक्षाबंधन साजरी करणार होती. एकुलता एक भाऊ विनोद गेल्याच महिन्यात पंधरा वर्षाचा झाला होता. माहेरी आई - वडील अन् भाऊ असे तिघेच असायचे. माहेरची परिस्थिती बेताची. झोपडीवजा घर, आहे म्हणायला शेती ती ही कधी पिकाऊ तर कधी पडीक असायची. अगदी याऊलट नशिबाने तिला, सासर सुशिक्षित आणि श्रीमंत मिळालं होतं. सुदैवाने अर्चनाने बारावी पर्यंतच शिक्षण कसंबसं पुर्ण केलं होत. अजूनही तिची शिकायची किंवा नौकरी करायची ईच्छा होती अन् तिने ते राजीव ला बोलूनही दाखवली होती. नवऱ्याचा, घरच्यांचा होकार कळताच तिच्या आनंदाला पारावार उरला नव्हता. कधी एकदा माहेरी जाऊन सांगतेय असच तिला झालं होतं. त्याचं खुशीत ती कपड्याची बॅग भरत होती.