श्शू...! आवाज कोणाचा? भाग२

रूपा चहा करता करता नयानाशी बोलत होती पण नयनाचं तिच्या बोलण्याकडे अजिबात लक्ष नव्हतं. रूपाने चहा करताना सहज मागे वळून बघितलं तर नयना कुठे तरी तंद्री लागल्यासारखी बघत होती. रूपाला हे विचीत्र वाटलं. ती गॅस कमी करून नयना जवळ आली. रूपा आपल्या बाजूला येऊन उभी आहे हे सुद्धा नयनाच्या लक्षात आलं नाही. रूपाच्या मनात नयनाची स्थिती बघून कालवा कालव झाली. नयनाला रूपाने एवढी अस्वस्थ कधी बघीतलं नव्हतं. रूपाने नयनाच्या खांद्यावर हळूच हात ठेवला तशी नयना दचकून रूपाकडे बघायला लागली.