शुभमंगल सावधान...!

"राग आला का? "
नाही म्हणजे दुसऱ्याच्या नवऱ्याबद्दल नको ते बोलताना समोरच्याला सुद्धा राग येईल असा विचार नाही करत तु.. आणि तुला काय माहिती ग माझ्या नवऱ्या बद्दल?
माझा नवरा सगळ्यात बेस्ट नवरा आहे.
माझ्यासाठी, माझ्या आनंदासाठी मला मुंबईत घेऊन आलाय तो. इम्पॉर्टन्ट मिटिंग त्याला सुद्धा होती.
पण मिटिंग पेक्षा माझा आनंद त्याला महत्वाचा आहे.
दिसणं म्हणशील तर त्याच्या सावळेपणात लपलेल सौंदर्य तुझ्या सारख्या पैस्याने पोट भरणाऱ्याला नाही कळत, त्यासाठी प्रेमाची भाषा कळावी लागते..
साक्षी दुबईला शिफ्ट होतेय, हे मला पण माहितीय..
हनिमूनला ती पॅरिसला जाईल हे सुद्धा ती मला बोलली. पण माझ्या मनात तिच्याबद्दल इर्शा अजिबात नाही...
आणि असं सुद्धा नाही कि, तिचं बघुन माझ्या नवऱ्याने सुद्धा मला पॅरिस फिरवावं असा हट्ट मी राघव जवळ करेल आणि माझ्या नवऱ्याने मला पॅरिस फिरवल्यावरच मी हॅप्पी होईल..