शुद्ध बीजापोटी भाग २

' किती मोठं झालं आहे माझं पिल्लू.मलाच धीर देत आहे. किती परिपक्वता आली आहे शशांक मध्ये. एवढ्याशा वयात मोठ्या माणसासारखा बोलत आहे. खरंच आपण मुलांना दोन गोष्टी शिकवल्याच पाहिजेत. पैसे कसे कमवायचे आणि सांस्कृतिकदृष्ट्या पुढे कसे जायचे. जर आपण मुलांना फक्त पैसे कमवायचे शिकवले तर ते भौतिकदृष्ट्या यशस्वी होऊ शकतात. परंतु त्यांच्यात भावनिक खोली, मानवी मूल्ये, नैतिकता किंवा आंतरिक समाधानाचा अभाव असेल. जर ते केवळ सांस्कृतिकदृष्ट्या समृद्ध झाले, परंतु आर्थिक कौशल्ये शिकले नाहीत तर त्यांना या आधुनिक जगात स्वतःला टिकवण्यासाठी खूप संघर्ष करावा लागेल. मला आज शशांकची आई असल्याचा खूप अभिमान वाटत आहे.'
शुभदा मनातल्या मनात विचार करत होती.