शुद्ध बीजापोटी भाग ४

अगं आई, तुला शिक्षणाची आवड होती. हे मला मामांकडून कळलं. परिस्थितीमुळे तुला शिकायला मिळालं नाही. मामाच्या या गावी सुद्धा गरीब स्थितीतल्या मुलांची शिक्षणाची इच्छा असूनही त्यांच्या आईवडिलांना परिस्थिती अभावी मुलांना शहरात पाठवता येत नाही. त्यामुळे आता ती मुले या शाळेत शिकू शकतील. आणखी एक गोष्ट म्हणजे आम्ही या शाळेची फी सुद्धा अगदी जुजबी ठेवलेली आहे. गरीब कुटुंबाला तेवढाच आधार होईल म्हणून मी हा निर्णय घेतला. आहे की नाही चांगली आयडिया? त्यासाठी शुभ्रानेही खूप मेहनत घेतली." शशांक म्हणाला.