श्शू! आवाज कोणाचा? भाग ८

" प्रतिक तू विज्ञान निष्ठा आहेस पण काही गोष्टी निसर्गातील अशा आहेत की या विज्ञानाचे हात तिथपर्यंत पोहचत नाहीत अजूनही पोचलेले नाही. तुला हे पटत नसेल पण आम्ही या गोष्टी मानतो. आम्ही विज्ञानाला चूक ठरवत नाही पण काही गोष्टी अशा घडतात की त्यावर विज्ञान काहीच उपाय पुढे करू शकत नाही. मी हात जोडून तुला विनंती करतो की तुला मान्य नसलं तरी आमच्या साठी हो म्हण. नयना आमची एकुलती एक मुलगी आहे. विज्ञान खरं की त्या विचित्र शक्तींचं अस्तित्व खरं या वादामुळे तिला खरच वेड लागलं तर आपल्याला परवडणार नाही. आमच्या डोळ्यांदेखत आमची चांगली शहाणी सवलती मुलगी तिची काही चूक नसताना आपल्यातील वादांमुळे योग्य उपचार न झाल्याने तिचं आयुष्य ती घालवून बसेल. असं झालं तर तिच्यावर आपण केलेला अन्याय असेल आणि आमच्यावरही हा अन्यायच ठरेल. हे असं घडलं तर आम्ही आयुष्यभर स्वतःला माफ करू शकणार नाही. डाॅक्टरांबरोबर हाही उपाय करून बघू. मी हात जोडतो "