सोनचाफा 13

सोनचाफा 13
अनिकेतने गौरीवर तिची कामगिरी सोपवली आणि तो पुढच्या तपासासाठी घरातून बाहेर पडला. घरातून बाहेर पडताना त्याने सारंगला फोन केला आणि ते दोघेही रोहनच्या घराजवळ गेले. त्या दोघांनीही त्यांचा वेश बदलला होता. एका भुरट्या मुलाप्रमाणे त्यांनी अवतार केला होता. एकदम टपोरी मुलासारखे ते दोघेही तिथून फिरत होते. कुणालाही संशय येऊ नये म्हणून ते दोघे एकमेकांशी बोलत, हसत तिथे अगदी रोहनच्या घरासमोर जाऊन उभा राहिले होते. आता तिथे कुणाकडे चौकशी करावी असा प्रश्न त्या दोघांना पडला होता. तिथे टपोरी मुले तसेच पुरुषदेखील घोळका करून उभे होते. प्रत्येकजण आपापल्या बोलण्यात गुंग होते.