सोनचाफा ( भाग दुसरा )

नागपंचमीचा सण होता माई हातावर मेहंदी काढत होत्या. तात्या माईंकडे बघत बोलले बघ तुझ्या मेहंदीला चढलेला रंग माझं तुझ्यावर असलेल प्रेम दाखवून देईल. माई बोलल्या मला पण बघायच आहे माझं तुमच्यावर किती प्रेम आहे थांबा काढते तुमच्या हातावर पण मेहंदी. तात्या नको नको म्हणत असतानाही माईंनी मेहंदी काढलीच. मेहंदी खूपच रंगली होती पण असे मेहंदीचे हात कोणी कारखान्यात गेल्यावर बघितले तर काय म्हणतील म्हणून तात्यांनी कारखान्यात जाण्याच टाळलं खरं, पण जेव्हा तिसऱ्या चौथ्या दिवशी कारखान्यात गेले तेव्हा पण खिश्यात हात घालूनच फिरत होते.