मृतात्मा (Tenali Rama Story In Marathi)

तो त्या हवेलीत गेला. खूप जुनी आणि अस्वच्छ हवेली पाहून आणि त्यात आधीच अश्या ऐकीव गोष्टींमुळे तो जरा घाबरत आत गेला. बाहेर ढग गडगडत होते, खूप अंधार होता आणि वारा सुटला होता. हवेलीत वर जाणाऱ्या जिन्यावरून तो वर जाण्याचा विचार करत होता एवढ्यात त्याला घुंगरांचा आवाज आला. त्याने आजूबाजूला पाहिले पण कोणीही नव्हते. त्याने जिन्यावरून चढायला सुरुवात केली आणि पुन्हा आवाज आला. त्याने एकदम मागे वळून पाहिले पण कोणीच नाही म्हणून तो पुन्हा सरळ झाला तर त्याच्या समोर एक बाई उभी होती. आता याची भीतीने गाळण उडाली. तो तिथून पळ काढू लागला तर तिने त्याला मागून जोरात धक्का मारला आणि तो खाली पडला.