स्पष्टपणा (लघुकथा)

"स्पष्ट बोलून समोरच्याचा अपमान करणं हे माणसाच्या स्वभावात असतं पण स्पष्ट बोलून समोरच्याचा अपमान न करता ती गोष्ट त्याला समजून सांगणे. हे त्याच्या संस्कारावर अवलंबून असते".... अगं...काल आपल्या घरी पूजेला सगळे पाहुणे मंडळी  आली होती आणि माझी ताई देखील पूजेला आली होती. तिने हौसेने आपल्या दोघांसाठी पोशाख आणला होता .पण तू ताईला असं बोलायची काहीच गरज नव्हती केवढ्या भडक रंगाचे कपडे आणलेत.... आम्ही घालत नाही ... माझ्या ताईने तिच्या पसंतीचे कपडे आपल्यासाठी आणले होते आणि माझी ताई गावी राहत असल्यामुळे शहरातल्या बायका कशा रंगाचे कपडे वापरतात हे तिला माहिती नाही. पण एवढ्या पाहुण्यांसमोर तिला मान खाली घालायला लावण्याची काहीच गरज नव्हती".