स्टॉक क्लिअरन्स सेल भाग 3

"तू एकदा म्हणालास की अश्या बायका नाही आवडत ज्या नवऱ्याच्या पाकिटातून चोरून पैसे घेतात...तेव्हापासून लक्षात ठेवले ह्यांना जी गोष्ट चोरी वाटते ती किती ही अडचण आली तरी करायची नाही...भीक मागून घेतल्या सारखे घ्यायचे पण हात पसरायची वेळ येऊ द्यायची नाही...अजून ही आपले स्थान त्यांच्या इतर नातेवाईकांइतके पोहचलेले नाही की ते जसे त्यांच्या गरजेला धावून जातात तसे माझ्यासाठी ही काही कर्तव्य आहे आपले पती म्हणून कळत नाही तोपर्यंत नाते सहज होणार नाही....तू निभाव जबाबदाऱ्या अनेकांच्या आता मला काही वाटत नाही...जे दुबळे नाहीत ,कमावते आहेत...मोठ्या पदावर आहेत ,तुझ्या पगारापेक्षा कैक पट कमावते आहे तू त्यांना मदत करतो ह्याचा अभिमान बाळगू की कीव करू असे वाटते...आणि मी पै पै जपते, स्वतःचे मन होऊन ही खर्च करत नाही...मैत्रिणी बाहेर होतील तितक्या बिनधास्तपणे खर्च करतात आणि मी मस्त कारण सांगते ,पैसे नाहीत पुन्हा कधी तरी बघू...तुम्ही या जाऊन...तुला काय माहिती की मी किती जपून खर्च करते..." तिने डोळ्यात पाणी आणत बोलणे थांबवले