जिंकलेल्या प्रेमाची गोष्ट..भाग -१

तो रमाला म्हणाला , "माझ्या मेलेल्या आईची इच्छा होती म्हणून मी तुझ्याशी लग्नगाठ बांधली असली तरी रमा लहानपणापासून माझे तुझ्यावर मनापासून प्रेम होते आणि त्याचमुळे मी तुझ्याशी लग्न केले पण सॉरी ! तुला मात्र सगळ्यांनी गृहीत धरले हे माझ्या उशीरा लक्षात आले. इतकच काय तुझ्या मनाविरुद्ध अनेक गोष्टी मी ही केल्या आहेत त्याची शिक्षा मला भोगायला हवी. पण माझे एक ऐकशील ? या सगळ्यात त्या निष्पाप बाळाचा काहीच दोष नाही तर तू त्याला नको ना शिक्षा देऊस. हवं तर तू हे मंगळसूत्र , ही जोडवी आणि ही टिकलीही नाही लावली तरी चालेल पण माझ्या बाळाला या जगात येऊ देत. राघवचा कंठ दाटून आला होता. मी तुला वचन देतो की , बाळ जन्माला आल्यानंतर काही तासातच मी तुला या बंधनातून कायमचा मुक्त करेल. विश्वास आहे ना तुझा माझ्यावर ?" राघव आतून पूर्णतः तुटला होता. मोठी हिंमत एकवटून तो हे सगळे बोलत होता.