सुभेदाराची सून (शिवाजी महाराजांच्या गोष्टी)

“ खमोश आबाजी पंत! आपण ही लुटीमध्ये यांच्या अशा लेकीबाळी उचलून आणायला लागलो तर आपल्यात आणि यांच्यात फरक तो काय? आमच्यासाठी कोणतीही पर स्त्री माते समान आहे. मग ती शत्रूची सून असली तरी आणि तुम्ही ही लक्षात ठेवा आबाजी पंत अशी गुस्ताखी पुन्हा होता कामा नये. आपण स्वराज्यासाठी लढणारे मावळे आहोत. आपले राज्य हे श्रींचे राज्य आहे. आपण मोहिमा काढतो. गड-किल्ले सुभे आपल्या राज्यात सामील करून घेतो. खजिने लुटतो पण कोणतीही स्त्री या लुटीचा भाग होऊ शकत नाही.स्त्री म्हणजे वस्तू नाही तिला नजराना म्हणून पेश करायला. तुम्ही सगळ्या सरदारांनी हे ध्यानात असू द्या. पुन्हा अशी गुस्ताखी होता कामा नये. सोडा रे यांना.”