सुगंध नात्याचा

. खरंतर कॉफीच्या कडवट चवीसारख्या अजून काहीकडू आठवणी मनाच्या तळातून आज वर आल्या.
सौरभ सुलभाचा क्लासमेट कॉलेजचा, तिच्या अवतीभवती पिंगा घालणारा, सुलभालाही आवडायचा. त्याचे ते भुरभुरणारे केस, ती मोटरसायकल वरून तिच्या अवतीभवती मारलेली चक्कर सगळेच तिच्या हृदयाची धडधड वाढवणारे होते. काॅलेज चे शेवटचे वर्ष होते,एक दिवस सौरभ ने तिला भेटायला कॉफी हाउस मध्ये बोलावले होते.
त्यावेळी एकट बाहेर जाण्याची मुलींना, तेही संध्याकाळी सात नंतर ?घरातून परमिशन मिळवणं कठीण पण् सौरभच्या ओढिने ती कशीबशी निघाली.
तिला जरा उशीर झाला पोचेपर्यंत, कोण जाणे तो निघून गेला तर नसेल या कल्पनेने ती घाईघाईने कॉफी हाऊसच्या दारापर्यंत पोहोचली, आणि काचेतून आतले दृश्य पाहून दचकली. सौरभ आणि माया ,तिची मैत्रीण, दोघं एका कपातून कॉफी पीत होते आणि हसत खिदळत होते. ते पाहून तिचा संताप झाला ती माघारी फिरली. त्यानंतर ती सौरभ ला कधिच भेटली नाही आणि तिने कॉफी पिणे ही सोडून दिले.