सुई आणि धागा 3 अंतिम

"रोहन बाळा, धागे शिवण्यासाठी सुद्धा सुईचाच वापर केला जातो. बिना सुईचे कोणतेही धागे शिवून होत नाहीत. शिवाय एकदा धागा चुकला तर आपला तो ड्रेस जसा बिघडतो तसे एखादे नाते चुकले तर आपले पूर्ण नातेसंबंध बिघडतात, त्यामुळे त्यांना वेळोवेळी चूक दाखवून देणे तितकेच गरजेचे असते, जितका तो चुकलेला धागा हा उसवणे गरजेचे असते. त्यामुळे तू आता काहीच बोलू नकोस. आणखी थोडे दिवस गेल्यावर बेबी आत्यांना त्यांची चूक समजून येईल आणि पुन्हा ते नेहमीप्रमाणे येतील. जर ते आले नाहीत तर मी आणि तुझे बाबा जाऊन त्यांना समजावून सांगतो मग तर झाले ना? कुठलेच नाते खूप दिवस दुरावत नाही. त्या नात्याला कसे बांधून ठेवावे आणि ती टीप कशा पद्धतीने शिवावी हे त्या सुईला चांगलेच माहीत असते, त्यामुळे तू आता काही टेन्शन घेऊ नकोस. शांतपणे जाऊन झोप आणि याबद्दल श्वेताशी काहीही बोलू नकोस. तिला घालून पाडून बोलू नकोस. तिच्यासोबत प्रेमानेच रहा, कारण तिच्यामुळेच तर तू आज इतक्या या स्टेजला येऊ शकला आहेस. तिने तुला साथ दिली म्हणूनच तू तुझ्या स्वप्नातले घर सत्यात उतरवू शकलास त्यामुळे तू आता शांतपणे जा आणि या सुई धाग्याच्या गोष्टीचा पूर्णपणे विचार करून पहा म्हणजे तुला सुईचा काही दोष नाही हे दिसून येईल. धागा घट्ट करण्यासाठी सुई तितकीच आवश्यक आहे हे तुला जाणून येईल." आईचे हे बोलणे ऐकून रोहन त्याच्या खोलीत गेला.
समाप्त.