सुख आले माझ्या दारी - भाग २

उषाने मनोमन देवाचे आभार मानले. तिने देवापुढे साखर ठेवली. दुसऱ्याच दिवशी अनु अजयला घरी घेवुन आली. पाहता क्षणीच उषाला त्याच्या डोळ्यातील विश्वास दिसला आणि खात्री पटली की हा आपल्या लेकीला आयुष्यभर सुखी ठेवेल. अनुला वाटलेच नव्हते की आपल्या आयुष्यात पुन्हा हे सुख येईल. अनुच्या मनात आलं खरं प्रेम ओळखणे आयुष्यात खूप महत्त्वाचे आहे. कधी कधी आकर्षणाला प्रेम समजले जाते आणि फसगत होते. खरं प्रेम कोणत्याही परिस्थतीत शेवट पर्यंत साथ निभावतं अगदी आयुष्यात आलेल्या मोहाच्या क्षणांवर मात करून.हल्ली खूप जणांचे प्रेम जुळते पण काही काळानंतर 'ब्रेकअप ' होतं जे खूपच कॉमन झालंय. त्यात कोणाला काही वावगं वाटत नाही . अनुला मात्र मनापासून वाटत होतं की प्रेम हे एक पवित्र बंधन आहे. प्रेम म्हणे आंधळं असतं. पण त्यातील खाच खळगे ओळखून समोरच्या व्यक्तीला पूर्ण जाणून विवाह करणे योग्य आहे . अनु सारख्या हळव्या व्यक्ती ला योग्य वेळी कोणाची साथ मिळाली नाही तर अशी व्यक्ती कधीच आनंदी जीवन जगू शकत नाही. जे बिनधास्त व्यवहारी असतात ते मात्र 'तू नही तो और सही' बाण्याने पुढे जातात.