सुख म्हणजे नक्की काय असतं. भाग - १

आज तिच्या नवऱ्याला जाऊन पंधरा दिवस झाले होते पण या पंधरा दिवसांत आरतीला नाही नाही ते ऐकून घ्यावे लागत होते. तिच्या सासुबाईंनी बाबांना तिला त्यांच्याकडे घेऊन जायला सांगितले पण त्यांनी सरळ नकार दिला. आता आरतीला माहेरही नव्हते आणि सासरही असून नसल्यासारखे होते. सासरे रघुनाथ तसे बरे होते पण त्यांचंही सासुबाईंच्या पुढे काही चालत नव्हते. त्यात तरणा ताठा मुलगा गेल्यामुळे ते खुप दुःखी होते आणि खचले सुद्धा होते. ते आपल्याच विचारात मग्न असायचे. आताही सासूबाईंच्या बडबडीने ती एका कोपऱ्यात बसून रडत होती.