सुखाची ओंजळ... भाग 17# मराठी- कादंबरी

सुखाची ओंजळ भाग 17

आधीच्या भागात आपण पाहिले की

सुमनची मावशी सुमनला भेटायला आली, दोघींच्या छान गप्पा झाल्या राजचा विषय निघाला, पण सुमन बोलायला तयार नव्हती..

 जाऊदे ना मावशी असं म्हणून तिने विषय सोडून दिला..

 पोलीस प्रतीकचा शोध करत होते पोलिसांची पवन वर नजर होती, पोलीस पवनच्या बायकोला जाऊन भेटले, त्याच्या बायकोने सांगितलं की पवन आधी प्रतीकच्या बंगल्यावर काम करायचा, आधी पोलिसांनी पाहिलेलं प्रतीकच जून  घर होत, आता पोलीस प्रतीकच्या नवीन घरी गेले, तिथे त्याच्या बाबांशी भेट झाली, त्यांनी सांगितलं की प्रतीकच सहा महिन्यापूर्वी लग्न झालंय पोलिसांचा विश्वासच बसत नव्हता...

त्यांनी प्रतीकच्या आईला आवाज दिला,

“मालती ,लग्नाचा अल्बम घेऊन ये...

आता पुढे,

मालतीने प्रतिकच्या लग्नाचा अल्बम आणला..

त्यांनी लग्नाचे फोटो पाहिले, तेव्हा पोलीस अचंबित झाले...

हा फोटो त्यांच्या मोबाईल मधल्या फोटोला मॅच करत नव्हता.. त्यांनी तसं सांगितलं तेव्हा प्रतीकचे बाबा  म्हणाले की तुमच्या मोबाईल मध्ये फोटो आहे तो माझाच मुलगा आहे प्रतीक इनामदार... साहेब त्याचा गेटअप बदललाय ,नीट पारखून बघा..

प्रतिकच्या बाबांनी अल्बमकडे बघून हा बघा माझा मुलगा आणि माझी सून मेघा... इन्स्पेक्टर प्रतीक आणि मेघाच्या चेहऱ्याकडे पाहून अगदी अचंबित झालेत आणि ताडकन उठले...

“ नॉट पॉसिबल हे कसे शक्य आहे?..

“ काय झालं साहेब, मी प्रतीक म्हणून ज्याचा चेहरा पाहिला तो चेहरा हा नाहीये...

“ माझाच मुलगा आहे साहेब..

“ तुमची काही हरकत नसेल तर तुम्ही तुमच्या मुलाला आणि सुनेला इथे लवकरात लवकर बोलू शकाल का मी विनंती करतो तुम्हाला...

 इन्स्पेक्टरनी खिशातून मोबाईल काढला आणि बाबांना दाखवत
“परत एकदा हा फोटो बघाना, हा चेहरा बघा...

प्रतीकचे बाबा हसून,

“ साहेब माझाच मुलगा आहे, त्याला लहानपणापासूनच सवय वेगवेगळे गेटअप करण्याची, मी आता तुमच्यासमोर दहा फोटो ठेवील ना तर दहाही वेगवेगळी दिसतील...
मी एक दोन दिवसात बोलवून घेतो..

“ठीक आहे, आम्ही निघतो आणि थांक यु तुम्ही सहकार्य केल आम्हाला...

पोलिस तिथून निघून सुमन कडे गेले त्यांनी सुमनला मोबाईल मधले फोटो दाखवली आणि प्रतीकच्या घरी पाहीलेली फोटो दाखवली तेव्हा सुमनी म्हटलं की 

सर तुमच्या मोबाईल मध्ये जी फोटो आहे ती प्रतीकचीच आहे, तो नेहमी वेगवेगळ्या गेटअप मध्ये फोटो काढायचा... 

पोलीस तिथून निघाले आणि पुन्हा प्रतीकच्या बाबांकडे गेले... तिथून प्रतीकचा दुसरा मोबाइल नंबर घेतला आणि तो मोबाईल नंबर स्ट्रेस वर लावला.. लोकेशन लोणावळ्यातल दाखवत होत..

 पोलिस लोणावळासाठी रवाना झाले, तिथे गेल्यावर त्यांनी त्या लोकेशनवर असलेल्या फार्म हाऊस वर चौकशी केली, तिथे पोलिसांनी प्रतीकला पकडलं आणि त्याला फरफटवत पोलीस स्टेशनमध्ये आणलं... सोबत त्याची बायको पण आली..

 “साहेब मी काही नाही केलं.. साहेब काही नाही केलं...

“ काही नाही केलं तू, तुझं लग्न झालं होतं ना रे, किती महिने झाले तुझ्या लग्नाला..

“ साहेब सहा महिने होतील आता..

“ मग तुझं लग्न झालेले असतानाही तू तिच्या मागे का लागला..
“ नाही नाही साहेब मी काही केलं नाही..

“ बोल की सगळ खर खर , नाहीतर आम्हाला बोलत करता येत... दंडे पडले कि पोपटासारखा बोलायला लागशील...
 पोलिसांनी त्याला लॉकअप मध्ये बंद केलं, मेघानी प्रतीकच्या बाबांना फोन करून सगळं कळवलं..

 एका तासात प्रतीकचे बाबा पोलिसस्टेशन मध्ये आले.. 

“ साहेब काय केलं तुम्ही?.. माझ्या मुलाला अरेस्ट केलं..
“ त्याच्यावर गुन्हा दाखल झालाय...

“ गुन्हा सिद्ध झालेला नाहीये, चोवीस तासाच्या आत माझा मुलगा सुटलेला पाहिजे.. माझे वकील  येतीलच आता..

“ माफ करा साहेब.. पाच वाजलेत आता. आज शनिवार आहे आजची वेळ संपलेली आहे, उद्या रविवार आहे त्याच्यामुळे तुमचा मुलगा आता डायरेक्ट सोमवरलाच सुटू शकेल.. त्यामुळे तुम्ही आता सोमवारी या...

 इन्स्पेक्टर साहेब तुम्ही काही बरं केलं नाही, गाठ माझ्याशी आहे...

“ हे बघा साहेब, तुमच्या श्रीमंतीचा माज इथे दाखवू नका.. इथे श्रीमंतीचं काही चालणार नाही.. आम्हाला आमचं काम करू द्या आणि तुम्ही तुमचं काम करा आमचा वेळ वाया घालवू नका...

प्रतीकचे बाबा तिथून निघून गेले, शनिवार रविवार असल्यामुळे प्रतीकला दोन दिवस तिथेच राहावं लागलं.. रात्री त्याची बायको डबा घेऊन आली,

“ साहेब सोडा ना प्रतीकला.. त्याने काही नाही केले..
“तुम्ही बसा इथे..मला सांगा, तुमच्या लग्नाला किती महिने झाले..

 “आमच्या लग्नाला सहा महिने झाले..

“ या सहा महिन्यात तुम्ही प्रतीकला किती ओळखलं?..
“ किती ओळखलं म्हणजे?.

“ म्हणजे एखाद्या व्यक्तीला ओळखायला एक दिवस लागतो आणि त्याच व्यक्तीला कधी कधी ओळखायला आपल्या वर्षानुवर्षे लागतात, तर तुमचा प्रतीक यातला कोणत्या कॅटेगरीमध्ये मोडतो...

हे बघा तुमच्या लग्नाला सहा महिने झाले असतील पण तुमच्या लग्नाच्या नंतरही तुमचा नवरा बाहेर  काय करतो हे तुम्हाला माहितीये का?..

 लग्न झालेले असून देखील एका मुलीच्या मागे लागून मला तुझ्याशी लग्न करायचे आहे मला तुझ्याशी लग्न करायचं आहे असं तिला सांगून सांगून तिला त्रास देऊन आणि त्या नंतर त्या मुलीने त्याला नकार देणे हे त्याला पटलेलं नाही आणि म्हणून त्याने त्या मुलीवर ॲसिड हल्ला केला आहे, तिचा पूर्ण चेहरा जळाला, तिचं जीवन बरबाद केलं...

तुमचा विश्वास बसत नाहीये ना बसवून घ्या , कारण हे सत्य आहे...

 मला एक गोष्ट कळत नाही प्रतीक तर शिक्षण सुरू असताना तुमचं कसं काय लग्न झालं तुमच्या आईवडिलांनी कोणत्या बेसिस वर तुमचं लग्न केलं, मुलगा तर नोकरी करत नाही...