सुनांची परीक्षा , भाग 1

आई म्हणून आपली मुलं वाढवत असतांना तिला लगेच कळतं, कोण कसा, किती खरा किती स्वार्थी आहे ते..पण लोकांच्या लेकीचे वागणे सुरुवातीला ही नाही कळले ना आत्ता कळत होते...त्यामुळे सगळ्यांना वाईट ठरवता येत नव्हते आणि सगळ्यांनाच चांगले ठरवता येत नव्हते..कोणा एकीला तरी घरातील परंपरेनं चालत आलेला वारसा सोपवायचा होता..ज्यात आपल्या घरातून दरवर्षी फुकट अन्नदान ,जेवण, आणि कपडे वाटप होत..ते ही देणाऱ्याने अगदी मनापासून करायचे असते..जेवण तर स्वतः लवकर उठून बनवायचे असते...त्या दिवशी उपवास ही करायचा असतो..जोपर्यंत लोकांना अन्न पाठवले जात नाही तोपर्यंत जेवण नाही, पण हा बिडा कोण उचलणार ह्या तिघी पैकी..कोणाचे मन इतके उदार असेल..