स्वाभिमानाचा किनारा भाग १

त्याचा आवज अजूनही तिच्या कानात घुमत होता. निराश हताश नजरेने ती बाहेर बघत बसली होती. रात्रीचे अकरा साडेअकरा वाजून गेले होते. बाहेर अजूनही पाऊस पडत होता. हॉल मधलं वातावरण काहीसं टेन्शन देणारं होत. प्रतीक रागाने लाल झाला होता. हॉलचा मेन दरवाजा उघडा होता. बाहेरून येणारी गार हवा अंगावर शहारे आणत होती. प्रतीकची नजर दरवाज्याकडे टिकून होती. तर त्याची बायको राधिका खाली जमीनीवर बसली होती. गुढघ्यावर डोकं टेकवून तिने चेहरा लपवला होता. डोकं दुखत होत. मघाशी घडलेलं तिच्या मनातून काही जात नव्हत.