स्वप्नपूर्ती भाग १

लग्नाच्या सुरुवातीच्या दिवसांत भाड्याच्या छोट्याशा खोलीमध्ये राहणारे राघव आणि शमा एकमेकांना समजून घेण्याचा प्रयत्न करत होते. ॲरेंज मॅरेज असल्याने लग्नापूर्वी दोन चार भेटीगाठी झाल्या तरी त्यावरुन स्वभावाचा अंदाज येत नाही, कारण अशावेळी माणसे चांगलेच वागतात. जेव्हा दोन माणसे बऱ्याच कालावधीसाठी एकमेकांच्या जवळ येतात तेव्हा एकमेकांची खऱ्या अर्थाने ओळख होते, कारण अशावेळी आपले गुणदोष आपोआपच प्रकट होतात. तरीही सुरवातीच्या नव्या नवलाईच्या दिवसांत नवरा बायकोमध्ये असणारे शारिरीक आकर्षण दोष दाखवून देत नाही. जसजसे दिवस जातात तसे एकमेकांबद्दल मत तयार होऊ लागते.