स्वप्नसखा _ भाग ५

जसजसं ते एकमेकांना जास्त ओळखत गेले तेव्हा शेखरला जाणवलं की ही तिच्या वडिलांच्या पावलावर पाऊल टाकून राजकारणात खूप रस घेत आहे आणि तिला राजकारण हेच आपलं पुढचं क्षेत्र म्हणून निवडायचं आहे. शेखरला राजकारणाचा प्रचंड तितकारा होता. त्याचं स्पष्ट मत होतं की राजकारणी लोक हे कधीही कोणाशी एकनिष्ठ राहत नाहीत. जेव्हा कोणती गोष्ट स्वतःवर शेकते तेव्हा ते बाजू पलटायला तयार असतात. त्यावेळी कोणी केलेली मदत सुद्धा ते विसरून जातात. म्हणूनच शेखर द्विधा मनःस्थितीत होता. कल्पना आपल्या प्रेमात आकंठ बुडाली असली तरी ती प्रेमासाठी राजकारणाला तिलांजली देऊ शकेल का? ती जितक्या गंभीरपणे राजकारणात रस घेते त्यावरून सध्या तरी ते अशक्य दिसतंय. अगदी लगेच लग्न करायचं नसलं तरी लग्नाचा निर्णय घेताना हा मुद्दा उपस्थित राहणारच आहे.