स्वप्नसखा _ भाग १४

"हो मला कल्पना आहे त्याची." अंजुला काकूंनी हाक मारली. शेखरला सध्या तरी त्याची सुटका झाल्यासारखं वाटलं. तो विचारात पडला की हिला आता काय उत्तर द्यायचं. कल्पना आणि तो सध्या भेटत नसले तरी शेखरला माहिती होतं की कल्पनाचे त्याच्यावरच प्रेम आहे. तिच्या आयुष्यात दुसरं कोणी आलं आहे का नाही त्याला माहित नव्हतं. जर पुढे मागे तिचा विचार बदलला तर तिचं आणि आपलं लग्न होऊ शकेल का. आता पुढच्या आठवड्यात आपण घरी नाशिकला जाणार आहोत तेव्हा तिच्या मनाचा काही अंदाज लागतो का पाहायला हवा. रात्री जेवणासाठी तो बाहेर आला तेव्हा अंजुने त्याला एक हस्तिदंती पेन दिलं.