स्वप्नसखा _ भाग १८

रात्री झोपताना शेखर विचार करत होता. नाही म्हटलं तरी अंजूच्या समंजस स्वभावामुळे त्याच्या मनात तिच्याबद्दल थोड्याफार हळुवार भावना निर्माण झाल्या होत्या. कदाचित काका काकूंना काहीच आक्षेप नसावा आपण उगाचच घाबरत आहोत. अंजूचे आपल्यावर मनापासून प्रेम आहे त्यामुळे ती शेवटपर्यंत आपली साथ निभावू शकेल. शिवाय तिच्यावर चांगले संस्कार आहेत. ती आपल्या आईबाबांशी पण प्रेमाने, आदराने वागेल हयात काही शंकाच नाही. आता आपल्याला कल्पनाचे पण काही बंधन नाही. तसेही त्याने कुठेतरी वाचलेले त्याला आठवलं की आपण ज्याच्यावर प्रेम करतो त्याच्याशी लग्न करण्यापेक्षा ज्याचं आपल्यावर प्रेम आहे त्याच्याशी लग्न करावं. म्हणजे
संसाररुपी सागरात सुखाची भरती असते. त्याने मनोमन अंजूला हो म्हणण्याचा निर्णय घेतला तेव्हा त्याला शांत झोप लागली.

0