स्वतःला शोधताना : भाग ०९.

माधवीच्या शब्दांनी किरणच्या मनात जे वादळ उठवले होते, ते अजूनही थांबले नव्हते. बँकेच्या त्या कोपऱ्यात बसून तिने कितीतरी वेळ स्वतःशीच झगडत घालवला होता. बाहेरचं जग नेहमी सारखंच धावत होतं... गाडयांची ये जा चालू होती.. समोरील खाऊ गल्लीत खाणाऱ्यांची वर्दळ... पण किरणसाठी वेळ जणू गोठून गेला होता. तिच्या मनात कधी अपराधी भाव येत होता तर मधेच लकीची ओढ दाटून येत होती... आणि हे सगळे सरले की स्वतःबद्दलचा तिरस्कार उफाळून येत होता.