स्वतःला शोधताना : भाग १०.

मी तेथे चहा प्यायला बसले होते, माझे शरीर जरी तेथे असले तरी मी मनाने मात्र कुठेतरी दूर होते. तुला तर माहीतच आहे की अशा उथळ गप्पांमध्ये मला अजिबात रस नाही. लग्न, बॉयफ्रेंड, “नॉर्मल” आयुष्याची रंगवलेली चित्रं… या सगळ्याशी माझा काहीच संबंध नव्हता. तरीही कोणास ठाऊक त्या दिवशी मी तेथे थांबले होते. कलिग्सच्या टिप्पणींकडे दुर्लक्ष करत मी आपली शांतपणे चहा पीत बसले होते.