स्वप्नभूल.. भाग १८

“नंदिनी, हे बघ, इथे आजूबाजूचं वातावरण पाहून अजिबात घाबरायचं नाही. कसलंही दडपण मनावर येऊ द्यायचं नाही. ही एक उपचाराची पद्धत आहे. ही प्रक्रिया म्हणजे जादू वगैरे असं काही नसून मानसिक त्रासावर आराम मिळवण्याची पद्धत आहे. यात आपण मनावरचा ताण कमी करून तुझ्या अंतर्मनाला जागृत करणार आहोत. या सेशनच्या दरम्यान तुला थोडा त्रास होईल. अस्वस्थता जाणवेल, मन एकाग्र होणार नाही पण बिलीव्ह मी.. उपचारांच्या शेवटी तुला खूपच आराम मिळेल. चल आपण सुरुवात करूया. आता तू फक्त मी सांगते तसं करत जा आणि मी जे प्रश्न विचारेन त्या प्रश्नांची उत्तरं देत जा.. आता निवांत पडून रहा, ओके?”