स्वप्नभूल.. भाग २०

“हे बघ नंदू, मला तुझ्या उत्तराची मुळीच घाई नाही. तू नीट विचार करून उत्तर दे. सी नंदू, मला तुझ्याशी तू म्हणतेस तसं प्रेमप्रकरण करायचं नाहीये. मला तुला माझी आयुष्याची जोडीदारीण बनवायचं आहे. मला तुझ्याशी लग्न करायचं आहे. आयुष्यभर तुझ्यासोबत राहायचं आहे. मी कॉलेजच्या तुझ्या पहिल्या दिवसापासून तुझ्यावर प्रेम करतोय आणि आता तुझ्याशी लग्न करायचं आहे. मी माझ्या आईबाबांना सांगून तुझ्या घरी येऊन तुला लग्नासाठी रीतसर मागणी घालणारच आहे; पण त्याआधी मला तुझं मत जास्त महत्वाचं आहे.. तुला माझ्याबद्दल प्रेम वाटणं जास्त गरजेचं आहे. तुझ्या मनाविरुद्ध मला काहीही करायचं नाही. तू तुझं उत्तर देण्याची अजिबात घाई करू नकोस. आणि जरी तुझं उत्तर नाही असेल तरी काही हरकत नाही. आपल्या मैत्रीत तसुभरही बदल होणार नाही. मी कायम मित्र बनून तुझ्यासोबत असेन. त्याबद्दल तू मनात मुळीच शंका बाळगू नकोस. वुई आर बेस्ट फ्रेंड्स फॉरेव्हर.. समजलं?”