टाळी एका हाताने वाजत नाही.... भाग दोन

शेवटी कीर्तीने ऐकून-ऐकून पंधरा दिवसातचसीझर असूनही थंड पाण्यात हात घातला, भांडी घासली, कपडे धुतले…जेवण बनवलं....कारण कुणी करायला नव्हतं आणि सासूला तिच्या वेदना दिसत नव्हत्या. सासूने तिला कसलाच आधार दिला नाही. दोन्ही बाळंतपणे तिने त्रासातच काढली. त्या सर्वामुळे आज, चाळीशीला पोहोचण्याआधीच तिची कंबर सतत दुखते, पाठ दुखते, हातात बळ राहत नाही. हे सगळं आठवून तिला आता तिच्या सासूचं करायची इच्छा होत नव्हती. तिचं मन तुटत होतं स्वतःसाठी नाही,कुणालच्या न समजणाऱ्या गोष्टींसाठी....