टेडी हो पर मेरी हो..

“अच्छा, आता माझं साधं बोलणंही आकांडतांडव वाटतंय का? बघ.. मी म्हटलं होतं ना, खूप बदलला आहेस तू.. पूर्वीसारखा राहिला नाहीस तू.. पूर्वी कसा सारखं गोंडा घालत माझ्या मागेपुढे करायचास. काय हवं नको ते पाहायचास.. रोज मला गुलाबाची फुलं द्यायचास. इतकी की गुलकंद बनवण्याची वेळ आली होती. रोज चॉकलेट्स द्यायचास, इतकी की चॉकलेट्स खाऊन डायबेटीस होईल की काय असं वाटायचं, रोज नवनवीन सरप्राईज गिफ्ट्स द्यायचास; पण आता बोलायलाही वेळ नाही तुझ्याकडे.. आठवून बघ लग्नानंतर कितीदा आपण बाहेर फिरायला गेलोत? कितीदा तू माझ्यासाठी भेटवस्तू आणलीस?”