तेलाची पोळी (भाग ३)

‘भाज्या, कोशिंबिरी, चटण्या होतील कशाही. त्यात काही हात घालून बसावं लागत नाही. पण पोळ्या! त्याचं कसं करू. माझ्या हातचे चार पाच फुलके ह्या हिशोबाने घरातल्या लोकांसाठी मला पंधरा-वीस फुलके बनवावे लागतात. मग त्या हिशोबाने चाळीस लोकांचे किती होतील? आणि त्यादिवशी सकाळी पूजा आहे घरात तर नाश्ता होणार नाही म्हणजे सगळ्यांना सपाटून भूक लागेल. बाई गं, विचार करूनच माझे तर हातपाय दुखत आहेत.’ अमृता नुसता विचार करूनच चरफडली.