तेरा साथ है?

तिने दबकतच विचारले. लग्नाला महिना झाला तरी अजूनही आपल्या नवर्‍याशी बोलण्याचे धाडस तिच्यामध्ये आले नव्हते. ती म्हणजे नाजूक साजूक वेलीसारखी आणि तो एका भक्कम झाडासारखा. अगदी टॉल, डार्क आणि हँडसम. त्यात स्वतःची जीम असल्याने भरपूर कमावलेलं शरीर. ते बघूनच तिच्या आईवडिलांच्या नजरेत तो भरला होता. आईवडिलांच्या हो ला हो म्हणून तिनेही लग्नाला होकार दिला. तसा विशाल तिला आवडला होताच. पण त्याच्या व्यक्तीमत्वाची तिला भितीही वाटायची. त्यात त्याचा धीरगंभीर, अबोल स्वभाव तर हिला भरपूर बोलायची सवय. त्याच्या न बोलण्याने अजुनही त्याला काय आवडते, काय नाही हे तिला समजत नव्हते. नशीबाने तिच्या सासूबाई तिला समजून घेत होत्या. विशालच्या आवडीनिवडी, त्याचा खास आहार त्या तिला समजावत असायच्या. त्यामुळे तिला त्याची चिंता नसायची पण अचानक गावच्या जमिनीचा वाद निर्माण झाल्याने त्यांना व सुमेधाच्या सासऱ्यांना काही दिवस गावाला जावे लागले होते. आज म्हणूनच सुमेधाची धांदल उडाली होती.