संस्काराचं बीज भाग १

ग्रीष्मातल्या सकाळी सूर्याच्या किरणाने तुळशीसमोर नेहमीप्रमाणे दिवा लावला होता. अंगणातील जास्वंद प्राजक्ताच्या टप टप पडणाऱ्या फुलांना न्याहाळताना लालबुंद झाला होता, तर हिरव्या पानाच्या आडोशातून मोगऱ्याची नजर जुईच्या नाजूक पाकळ्यारूपी गालावरुन हटत नव्हती. म्हशीच्या गळ्यातील हलणारी पितळी घंटाचा स्वर अन् तात्यांचा भुईमूगाच्या शेंगा फोडण्याचा कार्यक्रम एका सुरात सुरु होता. शेणाची हिरवी चादर पांघरलेलं अंगण प्रशस्त ठेवीत होतं.