द स्टंटमॅन - अनोखी प्रेमकथा -भाग १

इथे सानिका म्हणजे जी तरुणी सलीलच्या बाईक समोर आली होती ती विचार करत होती त्या तरुणाच्या जागी इतर कोणी असता तर तिला किती बोलला असता पण ह्याने किती समजूतीने घेतलं. तिच्या मनात येत होतं हा आपल्याला आता परत भेटेल का कधी आपल्याला तर त्याच्याबद्दल काहीही माहिती नाही. दोन-तीन दिवसांनी तिच्या बाबांना डिस्चार्ज मिळाल्यावर ती कॉलेजला जाऊ लागली होती. तिच्या मनात तो तरुण रुंजी घालत होता. त्याला एकदाच पाहिलं होतं पण तिला तू खूप आवडला होता. अशीच एक दिवस ती कॉलेजमधून घरी परत होती तेव्हा सलील त्याच्या बाईक वरून तिला गेटमधून जाताना दिसला. तिच्या आनंदाला पारावर उरला नाही म्हणजे तो आपल्या सोसायटीतच राहतो हे तिला कळून चुकलं. सलीलने पण तिला पाहिलं पण त्याने दुर्लक्ष केलं. त्याला कोणत्याही मुलीशी जास्त मैत्री करण्याची इच्छा नव्हती कारण त्याचं हे काम खूप जोखमीचं होतं.