द वेडिंग सीझन -भाग 8

लग्न मोडल्यानंतर विदिशा काही दिवस टेन्शन मध्ये होती. एखाद्या मुलीसाठी आपलं लग्न मोडणं ही सुखदायक गोष्ट नक्कीच नसते. नाही म्हंटल तरी, विदिशाचं मन काही काळ प्रसादमध्ये गुंतला होतं. तिने त्याच्यासोबत लग्नाची स्वप्नं पाहिली होती. मात्र त्याचं वागणं बदलत गेलं, तरीही विदिशाने त्याला समजून घेण्याचा प्रयत्न केला. पण तिने ज्या गोष्टी अनुभवल्या, सहन केल्या त्या तिलाच माहिती होत्या.
आता तिने ऑफिसमध्ये जाणं खूप कमी केलं होतं आणि ऑफिसमध्ये गेली तर काही काम करत नव्हती.
'साखरपुड्याच्या आठवणी कशी विसरू मी? गुंतलेल्या मनाला असं सहजासहजी सोडवता येत नाही.' ती तासनतास विचार करत बसून राहत होती.