थोरलेपण (भाग १)

“अगं साधं आहे, बघ तू या घरातली मोठी सून. इतके दिवस सगळं तुझ्या मनाने होत होतं. आता तुमच्या घरात धाकटी सून येणार. त्यातल्या त्यात ती हाऊस वाईफ असणार. मग काय तू इथं दिवसभर तुझ्या बुटीकमध्ये आणि ती घरी. ह्या सासवांना काय गं, घरी राहणाऱ्या सूनाच आवडतात. तू इकडे आली, की ती तुझ्या सासूचे कान भरायला कमी करणार नाही. हळूहळू ती आवडती होईल आणि घरात तिचीच सत्ता राहील. इतके दिवस तुझं कोडकौतुक करणारी तुझी सासू ती बरोबर स्वतःकडे वळवेल. मग काय सगळं ती म्हणेल तसं. आता बघ ना, सणवार असले की तुझा जास्त वेळ बुटीकमध्ये जातो कारण ह्याकाळात गिऱ्हाईक जास्त असतात. आणि सासवांना तर तेव्हाच घराचं पडलेलं असतं. तुझ्या जावेला मग आयता मोका मिळेल.